Diario di BASSMA_RAYAN, 02 ago 19

بعد البحث والتمحيص 😁
يا أيها الناس اسمعوا وعوا 😂😂
افضل نظام للمرضعات 🥰🥰
همشي عليه اسبوع وهقولكم النتيجة ان شاء الله
هنمنع خمس حاجات الارز والمكرونه والعيش والسكر الابيض والمخبوزات ... لإن ضررهم اكتر من نفعهم ومالهمش تأثير في الحليب
جميع انواع البقوليات والخضراوات مسموحة
ما عدا الفول الكرنب القرنبيط البروكلي الملوخية
لإنها بتعمل غازات للبيبي وفي اكلات تانيه بتبقى بالملاحظة وكل بيبي ومعدته ⁦☺️⁩⁦☺️⁩
الفواكه مسموح ثمرة واحده باليوم خصوصا الفواكه ذات المؤشر السكري المنخفض زي التين الشوكي والتفاح
هناكل ٣ وجبات الفرق بين كل وجبه والتانيه لا يزيد عن ٥ ساعات .. وطبعا الصيام ممنوع 😏
عندنا ثوابت يوميه او روتين يومي نعمله قدر المستطاع
اولا تناول ٣ لتر ماء
ثانيا تناول حزمة جرجير
تناول الشوفان بالسمسم من مره ل ٣مرات باليوم
شرب شاي الاعشاب .. حلبه وشمر ونعناع ويانسون وكراويه
من مرتين ل ٣ يوميا
اكل الاسماك البحريه اقل شىء مرتين اسبوعيا
تناول كوب حليب يوميا
تناول ٢كوب زبادي يوميا
تناول البيض اقل شىء ٤ مرات اسبوعيا
المكسرات عين الجمل ممتاز في زيادة كمية الحليب
المشي ساعه يوميا
للأسف هنحسب سعرات ... وهنزود في سعراتنا من ٢٠٠ ل ٣٠٠كالوري فقط...ودول اللي بتحتاجهم المرضع زيادة عن السيدة العادية
الأدوية اللي بتحتاجها المرضع
انا هكتب العناصر اللي بتحتاجها مش اسماء الادوية
المرضع بتحتاج ... حديد ... كالسيوم
فيتامين ب ... فيتامين د .. اوميجا ٣
ادوية عشبيه لو مش بتحب تشرب شاي الاعشاب زي هيربانا او بريستو او ماكسيمام او سايكوم
دول كلهم اعشاب حلبه وشمر وكراويه ويانسون لو مش بتحبي تشربي الاعشاب ومافيش منهم اي ضرر
ومعاكي الجرعة لحد ٦ كبسولات يوميا
ده كدا نظام اعادة الإرضاع اللي توصلتله من متابعة دكاتره كتير زي دكتورة آلاء نافع .. ودكتورة جيهان فؤاد وغيرهم
وان شاء الله الاقي الفايده المطلوبه منه