Diario di BASSMA_RAYAN, 11 ott 18

شي طبيعي لانه تغير في الهرمونات وتحسي بتعذيب ضمير لانه بيرجع وونك زي الاول نصيحه ليك انسي الميزان فترة الحمل لانه بتعبي نفسك بس استمري في الاكل الصحي والفتامين وحمض الفوليك وشرب الماء  

وفيها تمارين للحمل وخذي بالك من نفسك وماتنسيش انه ربي بيرزقك بسنفور والا سنفورة ويملولك حياتك ياعمري وخوذي كل شي بطريقة ايجابي وانسي وزنك 

متزعليش نفسك وخلى فتره الحمل تعدى كويس وامشى على اكل صحى زودى فيه اللبن والكالسيوم والخضار والفواكه المسموحة وقالى من النشويات والدهون حتخرجى من الحمل بوزن كويس متخفيش والتوتر بيزود الوزن عن تجربه وامشى على صفحه لو نفسك فيها نظام الحوامل والمرضعات حيفيدك قوى  

دي هرمونات اكيد و النشويات اللي بدات تاكليها و خليكي من الميزان ف الحمل مع الاكل الصحي ف حدود سعراتك. و انتي عارفة طبعا ان الحوامل بيزودوا 300-500 سعرة حرارية  

إياكي والزعل والنكد أيام الحمل لأي سبب لأنه بيضر الجنين باقي عمره كله افتكري ان ربنا بيجهزك لأهم وظيفة في الدنيا ولما تقومي بالسلامة بإذن الله وربنا ينعم عليكي بنونو جميل بإذن الله هتعرفي أجمل إحساس في الدنيا وازاي أي تضحية تهون علشانهم 

بجد شكرا لدعمكم ليا انا ان شاء الله همشي على نظام صحي مفيد... هيكون افضل من الاكل على الفاضي والمليان طول اليوم  

متوقفيش واستمرى .. مش مهم تقعى المهم تسندى نفسك وتقومى من جديد ونتعلم م الوقعه دى ❤😍 

حببتي انتي لسة في اول شهر حمل وداه مافيهوش زيادة حمل ولا بيبي انتي اكيد ملخبطة في حاجة وحاولي تشوفي ايه السبب علشان ماترجعيش تاني 

ملخبطه الكيتو يا زهراء وده بيزود وزن وبيعبي الجسم مايه اكتر ما هو متعبي 😥😥😥 

هي دي مشكلة الانظمة الي بتعتمد علي منع حاجات في الدايت لان الرجيم الصحي هو اسلوب حياة مش رجيم لازم تاخدي فيه كل الاكل عادي مش تمنعي حاجة ربنا معاكي ياعسل 

والكيتو في حد ذاته نظام حياه يا زهراء انا كنت ماشيه متوازن زمان ووصلت لمرحله الثبات او اخس واطلع والكيتو بصراحه ساعدني اني اخسر من وزني كتير الحاجات الممنوعه في الكيتو انا مش عارفه اتأقلم معاها لحد دلوقتي يعني السكر الأبيض انا مانعاه خالص النشويات البسيطة زي الرز والمكرونه والعيش... الكيتو بصراحه نعمه كبييييرة وانا حزينه اني سبته عارفه احساس الجوع اللي بيكون موجود بسبب ومن غير سبب بالنسبالي مكانش موجود خالص وكنت باخد بوليت بروف مثلا تفتح نفسي للأكل احساس النشاط والحركة بجد انا عمري ما كنت في افضل حالاتي غير وانا مع الكيتو ومكانش في بالي اني اسيبه في يوم من الأيام 😥😥😥😥 

حببتي الكيتو مش نظام حياة ولا دوكان ولا قرطاي ولا اي نظام مانع فيه اي حاجة موجودة بالعالم حتي السكر الابيض والعيش والمكرونة والرز واي نشويات مصنعة بالرغم انهم مصنعين لكن مهمين للشخص الي عاوز يعمل نظام حياة نظام الحياة داه معناه ايه ؟ انك ماتخرجيش عن نظام الاكل في بيتك وبيت اهلك وبيت الناس الي عايشة معاهم وحتي في العزومات وغيره نظام حياة ياعني تاكلي كل حاجة واي حاجة واي شيئ لكن تعمليه بطريقة صحية تاكلي محاشي وممبار وطواجن وغيره وغيره بس تعرفي تعمليه صح وتلتزمي بالكمية وبالسعرات هو داه اسلوب نظام حياة انك تروحي عند امك وماتبقيش شايلة هم هي عاملة اكل ايه وتروحي لحماتك وتاكلي من نفس اكلهم بس بدون دهون انك تاكلي نفس الاكل الي بياكلوا جوزك وعيالك مش انتي اكل وهما اكل هو داه نظام الحياة الي هتقدري تكملي عليه طول عمرك مش فترة وتوقفي لانك حامل او بترضعي او علشان ممنوعة من اكل معين 

والله كل واحد مقتنع بحاجة هو شايفها صح لكن ما تقنعنيش انك بتاكلي اكل البيت العادي والعزومات وعارفه تخسي اعتقد انك عندك مشكله في نزول الوزن بالنظام ده لازم تتخلي عن حاجه على شان تكسبي صحتك وما تقنعنيش انك لو ماشيه على نظام متوازن ما بتعمليش اكل مخصوص لنفسك بعيد عن اكل البيت قليل الدهون 

لو هتمشي متوازن لازم تنزلي الدهون لأقل مستوى لو هتمشي كيتو لازم تنزلي الكارب لأقل مستوى يعني في كل الانظمه لازم تتخلي عن حاجه لكن هسيب نفسي واكل كل حاجه حتى لو ضاره زي السكر الابيض واقول ما انا جسمي محتاجها اعذريني بس انتي محتاجه تقرأي شويه في التغذية السكر الأبيض والعيش والمكرونه مصادر نشويات بسيطه مالهاش اي لازمه ممكن نستعيض عنها بالبطاطس او اي مصدر نشويات معقده وبالنسبه للحمل.... حتى لو انا ماشيه متوازن كنت هوقفه برضو على شان الحمل الدكتوره قالتلي وقفي الدايت عموما على شان مش المفروض اني اجوع ولو متبعه اي نظام هكون ليا حدود سعرات او غيره ما عرفتش اني كيتو مثلا فقالتلي لا بطلي 😊 هي كان قصدها على كل انواع الدايت الفكره اللي انتي متمسكه بيها هي اننا ما نمنعش اي حاجه وناكل كل حاجه وكدا اسمه نظام صحي مكانش حد غلب 😂😂 بس للأسف في اي نظام ناجح حتى في نظام السعرات او المتوازن لازم هتقللي عنصر من العناصر وتزودي من عناصر تانيه افضل منها يعني هتقللي دهون يبقى هتاكلي نشويات هتقللي نشويات يبقى هتاكلي دهون ومافيش مفر 😵😵😵 

حبيبتي كل الدايت فيه حرمان كل الانظمه بتمنع عنك حاجه لو هناكل اكل البيت العادي ولو ده نظامك اللي انتي متبعاه يبقى انتي مش عامله دايت انتي مجرد بتقللي في الكميات وده هينزل كيلو اتنين لكن هتواجهي بعدين ثبات الوزن وبعد فتره هترجعي تزيدي تاني انصحك انك تقرأي اكتر عن الانظمه الغذائيه وتختاري نظام غذائي مناسب ليكي بالتوفيق 😍 

شوفي ياقمر طبعا انا معاكي ان كل واحد مقتنع بحاجة معينة بس انتي بتتكلمي عن تجربتي انا فأنا هتكلم عليها انا لما خسيت 10 ك كنت باكل من اكل البيت زي زيهم بالضبط بس كنت باعمله ليهم بسمن وانا بدون كنت بحمرلهم البانيه وانا مشوي كنت باعملهم محشي بزيت وشوربه وانا من غير انا في موضوع الدايت داه يمكن من 15 سنة وقاريت كتير وياما جربت وعرفت وشوفت ويمكن مشيت علي اغلب الانظمة دايت السعرات او من اكل البيت مافيهوش اي حرمان الا من الدهون بس وانا كنت باخد معلقة زيت درة او زيتون كنت باكل ايسكريم وفيشار ومكرونة ومحشي وكل حاجة انتي نفسك قولتيلي مرة لما كنت بضيف صور اكلي هنا قولتي اذاي اكل داه وحتي كنتي بتستغربي من الكميات وانا ماعنديش اي مشاكل في الدايت داه ابدا مشكلتي حاليا هي ان مافيش ارادة وكسل وزهق فمش مستمرة عليه نفسيا لكن مافيهوش اي مشاكل وارادتي انا الي صفر ومافيش هدف او تحفيز ليا وانا ماوجهتش معاه ثبات الا لما مالاقتش اي ابتكارات ليا في الاكل فكنت تقريبا باكل نفس الاكل ونفس السعرات يوميا فداه ثبب ثبات وبعدها سافرت وماهتمتش باي حاجة خلينا متفقين ان المفروض اننا نقللها هي الدهون الضارة الي بتعمل تصلب في الشرايين وتعمل مشاكل في القلب لكن غير كدة الانسان ممكن ياكل كل حاجة واي حاجة وهايخس برضه اللعب كله في الطريقة والكمية والمجهود مش اكتر من كدة ولو كلام دكتورتك صح ووقفي الدايت عموما مكنش الممثلين ماتخنوش اثناء الحمل وبعد الولادة اغلبهم جسمه زي ماهو حتي اثناء الحمل فيه كتير ما زاد وزنهم ابدا المعني ايه حتي اثناء الحمل تقدري تنظمي نفسك وهتزودي سعراتك شوية وهاتبدلي برضه المحمر بالمشوي هاتكتري فاكهه وخضار وتاكلي نشويات برضه بس بكميات معينة وهتزودي حليب وزبادي دي كل الحكايه انك هتاكلي كل الاكل الي محتاجه الجنين بس بطريقة يستفاد منها 

علي فكرة كنت باخد معلقتين سكر باليوم ومعلقة عسل 

يعني بردو كان ليكي نظام مختلف عن البيت يعني مكانش نظام حياه الفكرة ان كلها انظمه وكلها حرمان والنظام اللي بتتبعيه وتقتنعي بيه وبتستريحي عليه هو النظام الصح والدكتوره مقالتليش بطلي دايت واتخني الدكتوره قالتلي ما تعمليش دايت وادتني قايمه ممنوعات وقايمه مسموحات. وانا دخلت ودورت وزودت معلوماتي عن موضوع التغذية اثناء الحمل ولو هقيس نفسي بالفنانات اللي مش بيتخنوا بعد الولاده يبقى كل واحده لما تشوف ليلى علوي وشبابها تروح تنتحر احسن 😂😂 والحمد لله بيتفضحوا لما بيوصلوا لأرزل العمر والسليكون والعمليات بيبان اثرها السلبي عليهم  

زهراء لو تعرفي قديش الكيتو مريح للمعده والجهاز الهضمي وكيف بيزيد النشاط والتركيز الذهني كيف بيكون بأحسن حالاته كان عذرتي بسمه إنها زعلانه وحاسه بالتعب واللخبطه من ترك أروع دايت بالعالم 😊 بسمه اهم اشي هلئ هوه نفسيتك ليز خليها بعيده عن التوتر والخوف على الوزن الأمومه بتستاهل تزيدي شويه وزن وما تخافي راح تلاقي طريقه اتريحك وما اتخرب إلي انزلتيهم قبل الحمل 😍 

واخيرا اعتقد اني حره في اختياراتي سواء زدت في الوزن او لا وقناعاتي طالما انا مرتاحه معاها بيها هتفضل زي ما هي وطول ما بقرأ وبزود معلوماتي عمري ما هقلق ان معلوماتي تقدم ويعدي عليها السنين لأني جربت كل حاجه والمشي ورا الدكاتره وملعقتين سكر ملعقة زيت والوجبه الفري انا بعمل دايت من وانا عمري 13 سنه وانا حاليا 28 سنه والحمد لله وصلت من 86ك ل 150ك في الفتره دي من كتر ما بزهق... من كتر ما بحرم نفسي من كتر ما بعمل اكل مخصوص ليا بكون زهقانه اطبخ اكل منفصل لكن لما فهمت صح ولما اختارت النظام المناسب ليا خسيت 40ك وعملت تغيير جذري في حياتي يمكن ظروف معينه او حياه مش متعوده عليها هي اللي جدت عليا لكن الحمد لله انا عمري ما عملت حاجه مش مقتنعه بيها ومستمرة ان شاء الله 👍👍