لو دخلتي بروفايل أي حد فينا هتلاقي الكلام .. بنزيد و بنخس لكن الأهم اننا فضلنا محافظين علي هدفنا .. اوعي تيأسي ..الطريق مش سهل لكن برضه مش صعب .. احنا جنبك و كلنا بنحتاج نشجع بعض علشان نوصل .. نصيحه اسمعي كلام دكتوره وعد علي اليوتيوب حتي لو مش هاتعملي كيتو او صيام متقطع .. لكن هاتفهمي منها حاجات كتييييير تساعدك .. انا استفدت منها كتير و ساعدتني فعلا في رحلتي .
بالتوفيق دائما 🌹🌹🌹
20 set 21 da utente: drshaltout87
|
حضرتك ابعتيلي الطول والوزن والعمر ان شاء الله ابعت لحضرتك نظام صحي بدون حرمان
20 set 21 da utente: HN 1
|
انا قعدت اعمل دايت و كنت تعبانه جدا و لاقيت نفسي تخنت ٣ كيلو بس بعد كده نزلت تاني ..اوعي تيأسي و هتخسي والله
20 set 21 da utente: esraa yasser 1994
|
السلام عليكم عوزه اكتب بوست معاكم بس مش عرفه
20 set 21 da utente: alyaareda153
|
حضرتك نيأس ليه وربنا موجود
الكيلو اللي زدتيه ده عارفه مكون من ايه لا يبقا اليأس ممنوع خصوصا في الدايت لأن الخطوه اللي بترجعنا ورا بتدينا دفعه قويه جدا للأمام كمالي و شجعي نفسك بنفسك حطي هدفك في المقدمه هترجعي احسن من الاول ونقارن نفسنا بأنفسنا مش بحد علشان ربنا يكرمنا وربنا معاكي وبالتوفيق
***زياده الوزن مع الدايت المتوازن الصحيح بتكون
١٠٪دهون
40٪ عضل
60٪ ميه ودا شي طبيعي ومش مستاهله 👍🙏
20 set 21 da utente: faniyakalli111
|
عادي، ما فيش داعي لليأس، أولا الكيلو ده مش شرط انه دهون في عوامل كتير ممكن تزودك على الميزان.
زي الإمساك مثلا.
ثانيا : بفرض انه دي زيادة الحقيقة، فالمفروض تفكري ايه الغلط اللي ممكن يكون سببها، مش تيأسي.
ونصيحة رحلة خسارة الوزن طويلة، وممكن نتعرقل فيها، حاولي تخليها رحلة ممتعة، مش مهم الرقم على الميزان، المهم المقاسات، والأهم أنك بتحبي نفسك سواء خسيت أو لا.
20 set 21 da utente: esraa95mansour
|
في نصيحة لو تقدري تقرأي كتاب حرق الدهون في 30 يوم لبارتيك هلفورد
مفيد جدا.
كتاب أستطيع أن أجعلك نحيلة
كتاب شفيرة البدانة لجاسون فانج.
كل كتاب فيهم بيشرح حاجة مختلفة،
حرق الدهون، بيشرح من ناحية التغذية واختيار الأطعمة و المؤشر الجلايسيمي.
أستطيع أن أجعلك نحيلة بيتكلم عن العادات الخاطئة للناس المصابة بالبدانة.
شفيرة البدانة بيتكلم من منظور طبيعي، وكأن السمنة لغز بيفك شفرته.
20 set 21 da utente: esraa95mansour
|
مأتيسيش أن واحده عملت فوق العشرين دايت كنت بفشل من تاني يوم وبتخن اكتر لغيت ما عملت دايت بجد وحاولت اغير نفسي والعب رياضه وأكل اكل صحي اكتر الدايت مش تقتيفه الدايت اسلوب حياه نا كنت 91kدلوقتي بقيت 78k اسعي وراء حلمك حتي لو كنتي لوحدك في محدش بينفعك اشمعنا عندك اراده تأكلي خلي عندك كمان اراده انك تتغيري صدقيني هيفرق في حياتك كتير ونظرت الناس ليكي اسفه لو طولت عليكي
20 set 21 da utente: heba kobisy
|
برافوو علي الناس المشجعه الله يكرمكم وهما عندهم حق كلنا كدا عن نفسي نقصلي ثلاثه جيلو وكل منزل كيلو اطلع اتنين وارجع تاني وهكذا 😂 ينه يهما خليكي قويه
|
انا بقا قعدت سنة اعمل اسبوع واتخن الاسبوع التاني اكتر من الاول وده لاني كنت حارمة نفسي من الاكل ومن الشيبسي ومن كل حاجة بحبها أما دلوقتي اكتشفت اني ممكن اعمل فالبيت بطاطس فالفرن أو بسكوت شوفان مع كوباية القهوة الصبح دي بالدنيا كلها وبلعب رياضة لما بحس اني جعانة وبشرب مية كتير والحمد لله بقالي شهر مستمرة وبدعي ربنا اني اكمل عشان نفسي وعشان شكلي وصحتي وما اديش لاي شخص مجرد فرصة أنه يتنمر عليا أو يضايقني بكلمة كل دي اسباب تخليكي تقاومي عشانها حطي الاكل فاصغر طبق في البيت وما تأكليش بسرعة وكلي سلطة كتير وقللي كارب ما تحرميش نفسك you are strong ♥️💥
20 set 21 da utente: Mena Doha 2006
|
عارفة أن هييجي وقت عليكي تيأسي وتزعلى وتحسي انك مختلفة عن بقية الناس ومحرومة من حاجات كتير ...بس صدقيني احنا احسن من غيرنا كتير كفاية الصحة اللي احنا فيها...نحمد ربنا على كل حاجة عالوحش قبل الحلو ...كلنا بنغلط وبنلغبط ف الدايت محدش بيمشي على مسطرة المهم الاستمرار وانك لما تقعي تقومي تاني حتي لو هنفضل حياتنا كلها نقع المهم نقوم على رجلينا تاني ...وعلى فكرة أنا زيك بعمل دايت ومبخسش بس ف حاجة احلى صحتي بقت كويسة مبقتش اكل كتير زي الأول لأنه غلط واسراف عالفاضي وبيقلل ثقتك في نفسك ..كفاية عندي الراحة اللي بحسها وانا واكلة تلت معدة
20 set 21 da utente: Go minyeo
|
اعملي عجز في سعراتك
من ٥٠٠ ل ٧٠٠ سعر
والسعرات اللي هتدخليها قسميهم كالتالي
٥٠% كارب
٢٥ % دهون صحية
٢٥% بروتين
وخليكي دقيقة في كل حاجة بتدخليها بالميزان
20 set 21 da utente: hanysemary85
|
drashaltout87
شكرا جدا جدا على تشجيعك ليا وباذن الله اشوف فيديوهات الدكتوره انا كنت بحب اعمل صيام متقطع اصلا بس بقالي يجي سنه معملتش وباذن الله اقدر اكمل ومش ايأس وشكرا تاني
20 set 21 da utente: amira el asmer
|
HN1 شكرا جدا لحضرتك باذن هتوزن تاني تأكيد لان تقريبا الميزان كان معلق وطلع مخسسني كمان يعني تقريبا زايده 3كيلو مش كيلو واحد
20 set 21 da utente: amira el asmer
|
ma, rwa حبيبتي تسلميلي يارب 😍
20 set 21 da utente: amira el asmer
|
esraa شكرا ياقمر باذن الله هكمل انتم شجعتوني والله ❤
20 set 21 da utente: amira el asmer
|
alyaareda153 هتلاقي ف اول الشاشه الرئيسيه زي القلم كده وجمبه + بتضغطي عليه وتكتبي اللي عوزاه وتصغطي على صح ووتنشر
20 set 21 da utente: amira el asmer
|
faniyakali111 فعلا والله عندك حق شكرا جدا على نصايحك وهعمل بيها باذن الله ♥
20 set 21 da utente: amira el asmer
|
esraa95mansour حبيبتي تسلميلي يارب هوا فعلاً انا عندي امساك واول مره اعرف ان ده بيعمل زياده وزن من رغم ان بشرب ميه كتيير.. وفعلا ان بتعرقل كتير بالذات ان جوزي مش مشجعني خالص ف الدايت ب رغم ان بتخن بس دي من الاسباب اللي معقده الدايت عندي
20 set 21 da utente: amira el asmer
|
esraa95 انا بحب اقرأ الكتب هدور عنهم واقرأهم باذن الله شكرا جدا
20 set 21 da utente: amira el asmer
|