معلش يااسماء استعيني بالله كان الله في العون المشكله اني الواحد لمابيبعد عن الأكل الصحي الموضوع بيفتح منه وانا والله بتوحهني نفس المشكله فحاولي ترجعي بالراحه وربنا يريح بالك ويكرمك وحاولي لو في وقت قبل ماتنزل الشغل افطاري وخدي معاكي اي نوع فاكهة او خضار ربنا يقويك
10 giu 24 da utente: m.a.s.elsayed
|
كان الله في عونك .. طلعت اسهل حاجة فعلا ان الواحد يروح لخليط السكريات و الدهون ساعة الضغوط
حاولي تستخدمي البدايل الصحية شوية ساعتها اللي مبتخليش الواحد يعرف يفتح في اكلها
زي استغفر الله الشوكالاتة الدارك ال٩٥ في المية او بسكوت الشوفان قليل السكر لبن رايب بدون نكهات ....
10 giu 24 da utente: ibrahimhager
|
معلش يا اسماء الموضوع محتاج منك شويه مجهود في الاول
لحد ماتتعودي انه اصبح عاده واسلوب حياه
استغلي اجازتك وتجهزي وجبات الاسبوع هيساعدك كتير
10 giu 24 da utente: ام نوح 2024
|
طيب بالراحة ... واحدة واحدة متضغطيش نفسك 🥰
هاتي ورقة وقلم اكتبي كل اللى عايزة تعمليه وبعدين رتبيهم من الأسهل للاصعب بالنسبة ليكي وابدأيي بالسهل هتحسي انك انجزتي واللى عايزة تعمليه هيخلص بسرعة
بصي يا ستى بالنسبة للاكل انزلى هاتي علب تخزين متعددة الاستخدام وهجزي اكل خفيف فيها على حسب ما تحبي وبعدد ايام الاسبوع وأوقات شغلك وكل يوم خدي علبة
وبالنسبة للبيت هو يوم هتتعبي فيه جهزي اكل الاسبوع بحيث يطلع على السوا.. مامتى بتعمل كدا وجايب معاها نتيجة يوم الخميس بالليل بتجهز خضار الاسبوع وال والفراخ واللحمة والسمك وتحطهم ف علب وتحطهم ف الفريزر وكل يوم تطلع وبيبقي سهل مبيخدش اكتر من ساعة زمن والاكل يكون خلص .
وربنا يوفقك 💪🌹 👏
10 giu 24 da utente: Norhan Fathy Yassen
|
الف سلامه ياسمسم ربنا يقويكي حببتي ان شاء الله تعرفي تنظمي نفسك في الاجازه دي وانتي قدها ولو كل فتره هتاخدي يوم او اتنين تنظمي وجباتك وبيتك ونفسك وتفكي الضغط الي انتي فيه انتي اكتر واحده عارفه اهمية التفريغ النفسي كل فتره وادعي دوما ( اللهم ياذا الجلال والاكرام يسر لي كل امر عسير ودبر لي امري فانا لا احسن التدبير)
10 giu 24 da utente: Om habiba2020
|
ابدأي بالمتاح والاكثر سهوله .
اتمشي شويه كل يوم
اشربي مايه كتير ٣ لتر ك بدايه
اقطعي سكر وقللي ملح 🙂
ا
10 giu 24 da utente: CAP.MOSTAFA
|
ولا أي حاجه يا دكترة انتي تمام وزي الفل انا كده ومعظمنا بقينا في دوامة شغل ومذاكرة وضغوط وشغل وبيت مسؤولية ده رقم واحد
رقم 2 مش هتنتظري انك تجهزي حاجه هتتعاملي مع الوضع زي ماهو بس هتاخدي بالك من اختياراتك شويا
حاولي تحافظي علي هدوئك قدر المستطاع فالفترة دي حاولي تصحي بدري ساعتين تاخدي تمرينه سريعه يوجا مثلا وبعدين كل يوم هتعملي تحسين من اختياراتك للاكل وتشوفي الثغرات فين في نظامك وتحليها واحده واحده
واستغلي اجازاتك زي مابتقولي لاعادة ترتيب اختيارت الاكل وكمان تجهيزه اسبوعيا وان شاء الله هتقدري تتخطي الفترة دي بارتياح جدا وتعملي كل المطلوب من شغل وروتين اليوم
اهم حاجه لازم نكون علي يقين ان الضغوط لا تؤثر علي نظام اليوم الصحي دي حاجه ودي حاجه تانيه زي الاجانب كده
11 giu 24 da utente: Eng.'Mohamed'
|
الجو دة مينفعش فيه اكل و لا عمايل أكل. انتي اعتمدي على شرب المياة طول اليوم و كلي خيار و جزر و بطيخ و زبادي كتير، كل دول سعرات حراريه قليلة ان شاء الله الدنيا تظبط معاكي
11 giu 24 da utente: Mary5379
|
لا ينفع فيه يا ماري عادي ..والحاجات اللي قولتي عليها تنفع سناك لو بقت جعانه اثناء اليوم 🌹
11 giu 24 da utente: Eng.'Mohamed'
|
تسلموا يجماعة والله 💙
انا مش مشكلتي اني مش عارفة أعمل ايه
انا مشكلتي انه مافيش وقت اعمل اي حاجه
بقعد ف المستشفى أكتر من ١٠٠ ساعة كلهم شغل هما ساعتين او ٣ ال ممكن اريح فيهم شوية منهم الوقت بتاع الاكل
ف انا طول الوقت بتحرك وشغاله بس بروح البيت يوم او يوم ونص يا دوب انام كويس عشان ارجع للشغل وهكذا
12 giu 24 da utente: Asmaa_yosri
|
الشغل مش تاعبني على قد إحساس إني مش عارفة أعمل أي حاجه تانيه معاه عشان كده بقول هحاول اعمل خطوات صغيرة حتى لو مش هتأثر ف النتايج اوي هتأثر ف إحساس اني بعمل حاجه
المفروض بعد ٦ شهور النباطشيات هتبدأ تقل 😅 وأعرف التزم اكتر
12 giu 24 da utente: Asmaa_yosri
|
الشغل مش تاعبني على قد إحساس إني مش عارفة أعمل أي حاجه تانيه معاه عشان كده بقول هحاول اعمل خطوات صغيرة حتى لو مش هتأثر ف النتايج اوي هتأثر ف إحساس اني بعمل حاجه
المفروض بعد ٦ شهور النباطشيات هتبدأ تقل 😅 وأعرف التزم اكتر
12 giu 24 da utente: Asmaa_yosri
|
بصراحه ربنا يقويكي ضغط كبير جدا هو انتي في الطواريء ولا ايه
لازم حل بردو ممكن تخلي ماما تساعدك وتعملك وجبات اسبوع بعد ما تتفقو معاها علي المكونات والمطلوب في كل الحالات لو موضوع ضغط الشغل مستمر يبقه لازم في حل
حتي لو هتدي فلوس لحد بتثقي فيه يعملك مثلا خمس وجبات يكفو خمس ايام ...ومعاهم سناك خفيف خلال اليوم هيبقه كده الدنيا ظبطط مع فاكهه وخضروات طازة كده كل اسبوع
12 giu 24 da utente: Eng.'Mohamed'
|
في مجموعة علب كده يا اسماء اختاري نوع بلاستيك صحي ..هاتي خمسه منهم وخلي حد يعملك فيهم فرخه او لحمه مع رز او مكرونه حسب ماتحبي ويبقه هاتي كيلو تفاح وكيلو خيار
مع خمس علب زبادي
انا بعمل كده 😍
البيت بيجهزلي علب كده لما اكون مسافر او مضطر اروح مشروع اسبوع عشان معكش من بره وبسخن وباكل
مع بقه الفاكهه والزبادي والعسل الاسود او النحل
كده انتي مش محتاجه حاجه تاني غير انك تحتسي القهوه وتواجهي العالم 😄😂
12 giu 24 da utente: Eng.'Mohamed'
|
إن شاء الله هتظبط يا سمسم 🥰 بس انتى متحمليش نفسك فوق طاقتها (لا يكلف الله نفسا إلا وسعها)
اعملى حاجات بسيطة تحسسك انك بتحاولى وتديكي دافع وتخليكي راضية عن نفسك
بلاش تسيبي نفسك لفكرة أن الوقت مش مقضي وانا ورايا حاجات كتير ومش عارفة اعملها
على اااد الوقت المتاح ليكي اعملى فيه حاجة تخلص ميبقاش ليها ديل
هتحسي بفرق كبير
وربنا يوفقك 💪🌹👏👏
عااااش يا سمسم اشطر كتكوت 💐💐 انتى قدهااااا يا سمسم 🥰💪👏👏👏🌹
12 giu 24 da utente: Norhan Fathy Yassen
|
الله يعينك ويقويكي ويوفقك ياسمسم💞
12 giu 24 da utente: Om habiba2020
|
ولا يهمك تتعوض ان شاء الله انت قدها 💪💪👏👏
12 giu 24 da utente: n'srn ♡
|