Diario di CAP.MOSTAFA, 08 lug 24

الله يهنيكي يا نانسي . متشكر 

بالف هنا وصحة يا كااابتن 😇🌹 

بالف هنا  

الف هنا وعافيه 

الف هنا ياكابتن ربنا يقويك 

الف هنا كابتن مصطفي بس ممكن سؤال هو ممكن الواحد ياخد في كل واجباته أرز زي حضرتك ولا دا علشان انت بتتدرب يعني مثلا انا باخد خبز في الفطار وفي العشا ممكن أرز او خبز  

الخبز سعراته عاليه . يعني ١٠٠ جم ارز اقل من ١٠٠ جم خبز بكتير . والعيش بحس بعده اني انتفخت . ممكن ادخل الرز ١٠٠ جم في الوجبه اللي قبل وبعد التمرين . بقيت الوجبات تبقي خضار وبروتين . وده لو هتتمرني . لو مش هتتمرني حددي سعراتك وحددي مثلا ١٠٠ جم كارب خديهم من عيش او ارز او ايا كان براحتك .  

حبيب قلبي ياهندسه . صباحك فل  

تسلمي ياهند الله يهنيكي  

الله يهنيكي ياام حبيبه  

الله يهنيكي يا دودي 😊☺ 

بالهنا 

طب يا كابتن انا باخد وجبة واحدة بس ف اليوم بتكون متأخر علي ٦ او ٧ مساءا ولو اخدت رز اخري ١٥٠ جرام مع خضار وبروتين تقريبا ١٠٠ جرام وبصوم بعدها ٣ ساعات بيبقي الساعة جت ١١ او ١٢ ممكن اخد فاكهة ويومي بيخلص علي كدة بخاف اخد وجبة فيها نشويات هل ممكن اخد وجبة صغيرة تاني في حدود ١٠٠ ارز وخضار وبروتين ف وقت متأخر ولا بلاش نشويات علي واحدة او ٢ بليل للعلم انا بسهر للصبح ممكن ل ٦ او ٧ وساعات ٨ 😐  

لان كدة يعتبر بصوم من واحدة او ٢ بليل لحد تاني يوم ٧ مساء بحس اني مش متزنة وماعنديش طاقة خالص  

فعلا يا نانسي .. كلامك مظبوط الاول لما كنت باخد وجبتين وسناك كنت حاسة ان في طاقة ومافيش كسل دلوقتي لو طلعت سلم بوصل للدور التالت ومابقدرش اخد نفسي والله بحس اني هقع .. هرجع اخد وجبتين افضل وغير كدة بقالي اكتر من شهر مش باخد فيتامينات بقيت مهملة فيها اوي  

موضوع الوجبة الوحدة ده مضر جدا لان عمرك محتعرفي تلمي كمبو احتياجات جسمك في وجبتين و خدي بالك الحرق الصبح اكتر من الليل حولي اقلبي يومك يا دودو لصحتك 

لا يا نانسي يومي مابيجبش ال ١٠٠٠ ابدا اكتر حاجة بوصلها ٩٠٠ ودة كمان من النوادر ممكن ٦٠٠ او ٧٠٠ اجمالي 

فعلا يا مروة لازم اغير موضوع النوم دة انا للاسف بقالي سنين بحاول ومش عارفة ولو طبقت برضو مابنمش بليل يعني مافيش فايدة🥲 بالنسبة للاكل انا لازم هغير موضوع الوجبة لان مافيش صحة ولا طاقة المفروض العكس لما اخس يبقي صحتي احسن . انا ولا اكني واحدة عندها ٦٠ سنة وعلي طول هبوط لو قمت فجأة ولا اتقلبت وانا نايمة بحس بنغزفي صدري ومابقدرش اخد نفسي دة غير رعشة ايدي 😔..انا صحتي ف النازل للاسف  

لالا بصي خدي وجبتك المعتاده وبالليل خديلك وجبة كويسه ( بروتين + كارب معقد بقوليات مثلا او ١٠٠ جم بطاطس ملسوقه وعليها توابل عادي ) وفاكهه قليله السكر زي الاناناس او كانتالوب او بطيخ او فراوله ياريت . حوالي ١٠٠ جم من اي حاجه قبل الفجر كده . ومشروبات ساقعه بدون سكر ومايه كتير ... والرعشه اللي بتجيلك دي والنغزه اللي ف القلب . اعتقد من الكافيين اللي في lypo 6 والله اعلم . بس هو كويس وجسمك هيتأقلم عليه بس خديه الصبح ع الريق . هيفوقك وهيسد نفسك .  

ونسيت اقولك ع حاجه دخلي مخللات ف أكلك بس خديلك واحده كده او اتنين ف اول وجبه . ولو دوختي خديلك واحده . الصوديوم اللي فيه هيساعدك تبقي متزنه اكتر وبيدي طاقه اصلا . ومنها هيشجعك تشربي مايه حتي . يعني هيفيدك بس تاكلي واحده بس . او نص معلقه صغيره ملح علي شوية مايه